heuri, Emakume
Blog hau gizonezkoentzakoa bada ere, ezin pasatzen utzi gaurko eguna hiri, emakume deneri, gorazarrea egin barik; gorazarre sinbolikoa, egunero-egunero hi, zuek guztiak, errespeto osoz tratatzeko ahaleginez osotu nahi dudana.
Ia beti emankorra,
gutxi jasotzeko, baina.
Askotan eman dunanak
bortxa izan din ordaina.
Ama, lagun, bizikide...
sarri neskame, alajaina!
Ikusi nahi haut hi haizen
legetxez: eder, liraina.
Ez haut gura arditurik
behar haudalako artzaina.
Goazen joan elkarrekin
ta elkarrekin jo gaina.
Haizena haizelako, etsi egin ez dunalako, eskerrik asko!
Tagak: martxoak_8 emakume_askapena
Zabaldu Bildu.net | 
del.icio.us
Iñaki Kasares dut izena, santurtziarra. Gizonen egoeraz 1997an hasi nintzen hausnartzen eta ordutik gizonekin lan egiten dut sexismoa geure baitatik ezabatzekotan. Dagoeneko, orainarteko lan isil eta pertsonala ezeze jendaurrean eta kolektiboki abian jartzeko garaia heldu dela uste dut. Horixe da neure nahia eta konpromisoa: gizartean sexismoa ezabatzeko eta gizonen askapenerako mugimendu sozial zabala sortzea Euskal Herrian. Parte hartu nahi ekimen zoragarri honetan?